काठमाडौं– पटकपटक धोका खाएका नेकपा उपाध्यक्ष वामदेव गौतमलाई राष्ट्रियसभा सदस्य बन्ने भएका छन् ।

प्रधानमन्त्री एवं पार्टी अध्यक्ष खड्गप्रसाद ओली(केपी शर्मा) ओलीले उपाध्यक्ष गौतमलाई पार्टी निर्णय अनुसार राष्ट्रिय सभाको सदस्यमा सिफारिस गर्ने नेकपाको विहिबार बसेको बैठकलाई जानकारी गराएका छन् ।

बैठकपछि नेकपा प्रवक्ता नारायणकाजी श्रेष्ठले प्रधानमन्त्रीले राष्ट्रियसभाको रिक्त एक सदस्यमा गौतमलाई मनोनयन गर्न राष्ट्रपतिसमक्ष सिफारिस गर्ने बैठकलाई जानकारी गराएको बताएका छन् । यसअघि अर्थमन्त्री डा.युवराज खतिवडालाई राष्ट्रियसभामा लैजाने कि गौतमलाई भन्नेमा पार्टीभित्र अन्योलता देखिएको थियो ।

प्रधानमन्त्री ओलीले खतिवडालाई नै निरन्तरता दिने पक्षमा रहेपनि अर्का अध्यक्ष पुष्पकमल दाहाललगायतले गौतमलाई निरन्तरता दिनुपर्ने बताएका थिए । गौतमले पनि अहिले प्रतिनिधिसभा सदस्य बन्न अनुकल अवस्था नरहेकाले आफू राष्ट्रियसभामा जान तयार रहेको बताएका थिए ।

गत फागुन १४ गतेको नेकपा सचिवालय बैठकले उपाध्यक्ष गौतमलाई राष्ट्रियसभा सदस्य पदमा मनोनित गर्न पार्टीको तर्फबाट निर्णय गरेको थियो । त्यसको एकसातापछि मन्त्री खतिवडाको राष्ट्रियसभाको कार्यकाल सकिने भएपछि उनको ठाउ“मा गौतमलाई पठाउने गरी सचिवालयले निर्णय गरेको थियो ।

प्रधानमन्त्री ओली पार्टी निर्णयलाई अवज्ञा गरेपछि विवाद चर्किएको थियो ।
विवादकै बीच प्रम ओलीले संघीय संसदको सदस्य नरही पनि ६ महिनासम्म मन्त्री हुन पाइने प्रावधान अनुरुप खतिवडालाई नै अर्थमन्त्रीमा निरन्तरता दिएका थिए । त्यसपछि कसैको मनोनयन भएको थिएन ।

त्यसैगरी कार्यदलको प्रतिवेदनबारे बैठकमा छलफल र ठेट कार्ययोजना बनाई सचिवालय र स्थायी कमिटीमा प्रस्ताव प्रस्तुत गरिने निर्णय भएको छ ।

सम्बन्धित खवर

ताजा समाचार

लोकप्रिय

विदुर-२, विदुर, नुवाकोट
फोन: ०१०५६००००
इमेल: mail@rajatimes.com
सुचना बिभाग दर्ता नं. ०००/०७७–७८

हाम्रो टिम

सम्पादक: सञ्जिव ढुङ्गेल