काठमाडौँ–त्रिभुवन अन्तर्राष्ट्रिय विमानस्थलबाट राजस्व अनुसन्धान विभागले बुधबार साँझ ठूलो परिमाणमा सुन बरामद गरेको छ ।

विमानस्थलको कार्गो गोदाममा छापा मारेर भन्सार छली ल्याइएका ठूलो परिमाणमा सुन बरामद भएको सुरक्षा स्रोतले जनाएको छ । प्रारम्भिक अनुसन्धान अनुसार तौल गरिएपनि करिब १०० किलोभन्दा बढीको सुन हुन सक्ने सुरक्षा निकायले जनाएका छन् ।

बुधबार दिउँसो भन्सार पास भएको सुन हङकङबाट क्याथे प्यासिफिक एअरलाइन्सको विमानमा स्कुटरको ब्रेक सुमा फिट गरेर ल्याइएको बताइएको छ ।

राजस्व अनुसन्धान विभागले सुन सहितको ब्रेक सु लुकाई राखेका दिलिप भुजेललाई पक्राउ गरेको छ ।