काठमाडौं– प्रधानसेनापति पूर्णचन्द्र थापाको औपचारिक निमन्त्रणामा बुधबार तीनदिने नेपाल भ्रमणमा आएका भारतका स्थलसेनाध्यक्ष मनोज मुकुन्द नरवणे बिहीबारदेखि औपचारिक कार्यक्रममा सरिक भएका छन् ।

बुधबार ऐतिहासिक तथा धार्मिक स्थलको अवलोकन भ्रमण गरेका नरवणे बिहीबार जङ्गीअड्डामा आयोजित विभिन्न कार्यक्रममा सहभागी भएको सैनिक जनसम्पर्क तथा सूचना निर्देशनालयले जनाएको छ ।

बिहिबार बिहान सैनिक मञ्च वीर स्मारकमा पुष्पगुच्छा चढाई वीर शहीदप्रति श्रद्धाञ्जली अर्पण गरेका थिए । उनले जङ्गीअड्डामा सम्मान गारदको निरीक्षण गरी प्राङ्गणमा ओखरको बिरुवा रोपेका थिए । नरवणेले फिल्ड अस्पताल स्थापनाको लागि सेनालाई एम्बुलेन्स, उपकरणहरु तथा स्वास्थ्य सामग्री हस्तान्तरण गरेको सेनाले जनाएको छ ।

प्रधानसेनापति पूर्णचन्द्र थापाले भारतीय सेनाको लागि नेपालमा निर्मित १ लाख थान मेडिकल मास्क र शान्तिको प्रतीक बुद्धको प्रतिमा हस्तान्तरण गरेका थिए ।

बिहिबार साँझ राष्ट्रपति विद्या भण्डारीबाट नेपाली सेनाको मानार्थ महारथी दर्जा प्रदान गरिने सेनाले जनाएको छ ।

सम्बन्धित खवर

ताजा समाचार

लोकप्रिय

विदुर-२, विदुर, नुवाकोट
फोन: ०१०५६००००
इमेल: mail@rajatimes.com
सुचना बिभाग दर्ता नं. ०००/०७७–७८

हाम्रो टिम

सम्पादक: सञ्जिव ढुङ्गेल