काठमाडौं–मन्त्रिपरिषद्को सिफारिसमा राष्ट्रपतिले प्रतिनिधिसभा विघटन गरेर मध्यावधि चुनावको मिति घोषणा गरेको विषयलाई ५ दलीय गठबन्धनले असंवैधानिक कदम भएको ठहर गर्दै त्यसलाई अस्वीकार गरेको छ ।

शनिबार संघीय राजधानी काठमाडौंमा बसेको गठबन्धनको संयुक्त बैठक उक्त कदमविरुद्ध एकताबद्ध भई कानुनी र राजनीतिक लडाइ“ लड्ने उद्घोष गरेका छन् । ५ दलीय गठबन्धनको बैठकपछि जारी गरिएको संयुक्त वक्तव्यमा प्रतिनिधिसभालाई रातारात विघटन गर्ने राष्ट्रपति र प्रधानमन्त्रीको कार्यप्रति निन्दा गर्दै भत्सना गरिएको छ ।

राष्ट्रपति र प्रधानमन्त्रीको प्रतिनिधिसभा विघटन गरी मुलुकमा राजनीतिक अनिश्चय, अन्योल र अराजकता सिर्जना गर्ने असंवैधानिक, अलोकतान्त्रिक र प्रतिगमनकारी कार्यका विरुद्ध एकताबद्ध भई कानुनी र राजनीतिक सशक्त किसिमले प्रतिवाद गर्न कटिबद्ध रहेको ती दलहरुले जनाएका छन् ।

नेपाली काँग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल, एमाले वरिष्ठ नेता माधवकुमार नेपाल, जसपा अध्यक्ष उपेन्द्र यादव र जनमोर्चाकी दुर्गा पौडेलले जारी गरेको संयुक्त वक्तव्यमा उल्लेख छ ।

संविधानको धारा ७६(५) अनुसार प्रधानमन्त्रीको दावीसहित १४९ सांसदको हस्ताक्षर बुझाउ“दा पनि राष्ट्रपतिले मान्यता नदिएको भन्दै बैठकले आपत्ति जनाएको छ ।