काठमाडौँ–राष्ट्रिय प्रजातन्त्र पार्टी (राप्रपा)ले महँगी नियन्त्रण र एमसीसी खारेज गर्न माग गर्दै प्रधानमन्त्रीलाई ज्ञापनपत्र दिएको छ ।
बुधबार राप्रपाले काठमाडौका प्रमुख जिल्ला अधिकारीमार्फत प्रधानमन्त्री शेरबहादुर देउवालाई ज्ञापनपत्र पठाएको हो ।
ज्ञापनपत्र दिनु अघि राप्रपाले जनप्रदर्शन गर्दै विरोध प्रदर्शन गरेको थियो । संघीय राजधानी काठमाडौँस्थित बबरमहलमा राप्रपाले विरोध प्रदर्शन गरेको हो ।
प्रदर्शनकारीहरुले बढ्दो महँगी नियन्त्रण गर, भ्रष्टाचारीलाई कारबाही गर, राष्ट्रघाती एमसीसी खारेज गर’ जस्ता नारा लगाएका थिए ।
एमसीसी सम्झौता एकपक्षीय र राष्ट्र हित विपरीत रहेको भन्दै उक्त सम्झौता कार्यान्वयन नगर्न राप्रपाले माग गरेको छ ।
ताजा समाचार
लोकप्रिय
© 2024, All right reserved to Raja Times – News from Nepal
Site by: Trishuli Web
कुनै पनि प्रतिक्रिया पाईएन !