नुवाकोट– वागमती प्रदेशका मुख्यमन्त्री अष्टलक्ष्मी शाक्यले गुटको राजनीतिबाट माथि उठ्नुपर्ने बताइएकी छिन् ।

नुवाकोट वट्टारस्थित कभर्डहलमा वुधवार आयोजित एमाले कार्यकर्ता भेलाको उद्घाटन गर्दै एमाले उपाध्यक्षसमेत रहेकी मुख्यमन्त्री शाक्यले आफु सदैव पार्टी एकताको पक्षमा रहेको दावी गरिन् । उनले राजनीतिमा पद भन्दा पार्टी ठूलो भएकाले पार्टीवाटै जनताको सेवा गर्ने वताइन् ।

पार्टी भित्र बेमेल भए रहेपनि पार्टी फुटको विपक्षमा आफू रहेको बताइन् । उनले नुवाकोटमा पार्टी फुटको असर ज्यादै न्यून परेकोले आगामी दिनमा एमालेको संगठन अझै बलियो हुने बताइन् ।

मुख्यमन्त्री शाक्यले स्थानीय तहको निर्वाचन नजिकिदै गरेकोले सबै नेता कार्यकर्ताले जिम्मेवार ढंगले सक्रिय हुन आग्रह गरिन् ।

कार्यक्रममा बागमती प्रदेशका पूर्वाधार विकास मन्त्री केशवराज पाण्डे, नुवाकोटका उपाध्यक्ष तथा वागमति प्रदेश भूमिव्यवस्था, कृषि तथा सहकारी राज्यमन्त्री बद्री मैनालीले लगायतले एमाले एकढिक्का भए अघि बढिरहेकोले बताए ।

तत्कालिन एमालेका नेता माधवकुमार नेपाल समूहमा रहेका नेताहरु मुल पार्टी एमालेमै फर्किएपछि नुवाकोटमा पहिलो पटक जिल्लास्तरीय अगुवा कार्यकर्ता भेला भएको हो ।

सम्बन्धित खवर

ताजा समाचार

लोकप्रिय

सूर्यगढी गाउँपालिका-५, माछापोखरी, नुवाकोट
फोन: ९८४०-१८२५९९
इमेल: rajatimes977@gmail.com
कम्पनी दर्ता नं. २६६४२७/०८७/०७९
सुचना बिभाग दर्ता नं.

हाम्रो टिम

सम्पादक: सञ्जिव ढुङ्गेल