काठमाडौं– भारतको उत्तराखण्डमा भारी वर्षापछि आएको पहिरोमा परेर तीन नेपालीको मृत्यु भएको छ भने दुईजना घाइते भएका छन् ।

भारतीय अधिकारीका अनुसार होटल निर्माणमा खटिएका नेपाली श्रमिकहरु समखल भन्ने स्थानमा टेण्टमा बसेका थिए । वर्षाका कारण माथिल्लो भागबाट पहिरो खस्दा उनीहरुलाई पुरिएको जनाइएको छ । घटनामा घाइते दुईजनालाई उपचारका लागि अस्पताल भर्ना गरिएको छ ।

राज्य सरकारले मौसममा सुधार नआएसम्म सतर्क रहन र हिमालय क्षेत्रका मन्दिरमा नजान आग्रह गरेको छ ।

एजेन्सीको सहयोगमा