काठमाडौँ– सरकारले निलम्वन गरेका नेपाल राष्ट्र बैङ्कका गभर्नर महाप्रसाद अधिकारीलाई सर्वोच्च अदालतको आदेशपछि काममा फर्किएका छन् ।

गत २४ चैतको मन्त्रिपरिषद् बैठकको निर्णयअनुसार २५ चैतबाट निलम्बनमा परेका अधिकारीलाई सर्वोच्चले राष्ट्र बैङ्क फर्किने बाटो मंगलवार खुलाइदिएको हो ।

सर्वोच्चका न्यायाधीश हरि फुयालको एकल इजलासले मंगलवार ‘गभर्नर अधिकारीलाई पदीय जिम्मेवारी पूरा गर्न दिनू’ भनी प्रधानमन्त्री तथा मन्त्रिपरिषद्को कार्यालयका नाममा अल्पकालीन अन्तरिम आदेश दिएको छ ।

मन्त्रिपरिषद्ले गभर्नर अधिकारीलाई निलम्बन गर्दै पूर्व न्यायाधीश भण्डारीको नेतृत्वमा जाँचबुझ समिति बनाएको थियो। तर, सर्वोच्चले यो सँग सम्बन्धित कुनै पनि निर्णय कार्यान्वयन नगर्न भनेको छ । सर्वोच्चले विस्तृत आदेश र छलफलका लागि गर्भनर र सरकार पक्षलाई १३ वैशाखमा बोलाएको छ ।

सम्बन्धित खवर

ताजा समाचार

लोकप्रिय

विदुर-२, विदुर, नुवाकोट
फोन: ०१०५६००००
इमेल: mail@rajatimes.com
सुचना बिभाग दर्ता नं. ०००/०७७–७८

हाम्रो टिम

सम्पादक: सञ्जिव ढुङ्गेल