काठमाडौं– बझाङ जिल्लाको सिलदेवी मेला हेरेर फर्कँदै गरेको जीप मष्टा गाउँपालिका वडा –१ तुफान डाँडामा जीप दुर्घटना हुँदा ७ जनाको मृत्यु भएको छ भने १६ जना घाइते भएका छन् ।

१३ जनाको अवस्था गम्भिर रहेको प्रहरीले जनाउको छ । बुधबार दिउसो सदरमुकाम चैनपुरबाट मष्टागाउँपालिका वडा –२ खेतकोट जाँदै गरेको सुपप्र ०१–००१च ११७ नम्बरको जीप दुर्घटना भएको हो ।

जीप सडकबाट २ सय मिटर तल खसेको जिल्ला प्रहरी कार्यालय बझाङले जनाएको छ । घाइतेहरुको प्रहरी, नेपाली सेना, सशस्त्र र स्थानीयले उद्धार गरेर जिल्ला अस्पताल सिमखेत पठाइएको प्रहरीले जनाएको छ ।

सदरमुकाम चैनपुरमा लाग्ने सिलदेवी मेला हेरेर फर्कँदै गरेका यात्रुहरू दुर्घटनामा परेको त्यहाँको स्थानीय प्रशासनले जनाएको छ ।