काठमाडौं– मकवानपुरमा मोटरसाइकल दुर्घटना हुँदा तीन जनाको मृत्यु भएको छ ।

मकवानपुरगढी– २ कुर्ले पाखाका मोटरसाइकल चालक ३५ वर्षिय भीमबहादुर स्याङ्तान, उनका श्रीमती रुपा र चार महिनाकी छोरीको मृत्यु भएको जिल्ला प्रहरी कार्यालय मकवानपुरले जनाएको छ ।

मोटरसाइकल चालकको भीमबहादुर स्याङ्तानको हेटौडा अस्पतालमा उपचार हुन नसकेपछि मेडिकल कलेज चित्तवनमा उपचारको क्रममा र श्रीमती र छोरीको घटनास्थलमा मृत्यु भएको हो ।

बिहिबार दिउसो मृतकहरु मकवानपुरगढी–२ धवाडी पुलस्थित सुकौराबाट कान्तिलोकपथतर्फ आउदै गरेको प्रदेश ३–०२–०१२ प ६९११ नम्बरको मोटरसाइकल अनियन्त्रित सडकबाट १२ मिटर तल खसेको थियो ।