काठमाडौं– माघी पर्व मनाउन सोमबार टुँडिखेलमा जम्मा भएकाहरुबीच भागदौड हुँदा १६ जना घाइते भएका छन् ।

माघे सङक्रान्तिको अवसरमा मगर र थारु समुदायले टुँडिखेलमा आयोजना गरेको बेलाबेग्लै कार्यक्रममा सहभागीबीच भागदौड भएको जिल्ला प्रहरी परिसर काठमाडौंले जनाएको छ ।

घाइतेहरुको वीर अस्पतालको ट्रमा सेन्टरमा उपचार भएको छ । टुँडिखेलमा प्रवेश गर्ने र बाहिरिनेबीच धकेलाधकेल हुँदा उनीहरु घाइते भएको प्रहरीले जनाएको छ ।