काठमाडौं– पाल्पामा जिप दुर्घटना हुँदा ८ जनाको मृत्यु भएको छ भने १८ जना घाइते भएका छन् ।

पाल्पा जिल्लाको तिनाउ गाउँपालिका–६ मस्यामको चिदिसमा मंगलबार जिप दुर्घटना भएको हो । सिद्धार्थ राजमार्गको डुम्रेबाट चिदिस सिखरडाँडा जाँदै गरेको लु १ ज २३७१ नम्बरको जिप डुम्रे र चिदिसको बीच भागमा दुर्घटनामा भएको त्यहाँको जिल्ला प्रहरी कार्यालयले जनाएको छ ।

घटनास्थलमा मृत्यु भएका र घाइते हुनेहरु चिदिस गाउँका स्थानीय भएको र उनीहरुको प्रहरी र स्थानीयले घाइतेहरुको उद्धार गरी उपचारका लागि लुम्बिनी मेडिकल कलेज प्रभासमा लगिएको छ । उनीहरुको पहिचालन खुल्न बाँकी छ । जिपमा २० जना सवार भएको बताइएको छ ।