नुवाकोट–बसले मोटरसाइकललाई ठक्कर दिंदा एक जनाको मृत्यु भएको छ ।
दुप्चेश्वरगाउँपालिका ३ की रुपसानी तामाङको उपचारको क्रममा आइतबार मृत्यु भएको जिल्ला प्रहरी कार्यालय नुवाकोटका सूचना अधिकारी एवं डिएसपी तिलक भारतीले बताए ।
शनिबार बिहान नुवाकोट दुप्चेश्वर गाउँपालिका वडा ३ राउतबेसीस्थित पुरगाउँबाट सदरमुकाम विदुरतर्फ आउदै गरेको बा २ ख ६३८१ नम्बरको बसले बिपरित दिशाबाट जादै गरेको बागमती प्रदेश ०२–०२० प ४८५८ नम्बरको मोटरसाईकललाई ठक्कर दिई दुर्घटना भएको थियो ।
दुर्घटनामा मोटरसाइकल चालक दुप्चेश्वर गाउँपालिका ३ का अक्सर तामाङ र पछाडी सवार निजकै श्रीमती रुपसानी तामाङ थिए ।
उनीहरु घाईते भई तत्काल उपचारको लागि ग्राण्डी अन्तराष्ट्रिय अस्पताल काठमाडांैमा पठाईएकोमा उपचारकै क्रममा आइतबार सवा १० बजेको समयमा रुपसानीको मृत्यु भएको हो । उनका श्रीमान् अक्सर तामाङको उपचार भई रहेको प्रहरीले जनाएको छ ।
दुर्घटनामा बस चालक लिखु गाउँपालिका वडा ४ का मुनहरि मगर सहित बसलाई प्रहरीको नियन्त्रणमा लिई कारवाही थालिएको छ ।
ताजा समाचार
लोकप्रिय
© 2025, All right reserved to Raja Times – News from Nepal
Site by: Trishuli Web
कुनै पनि प्रतिक्रिया पाईएन !