काठमाडौं– रसुवाका संविधानसभा सदस्य छोवाङ तेन्जिन तामाङको निधन भएको छ ।

नुवाकोट विदुरस्थित स्टार अस्पतालमा उपचारका क्रममा शनिबार उनको निधन भएको हो । २०७० सालको निर्वाचनमा उनी नेकपा एमालेबाट प्रतिनिधिसभामा समानुपातिक तर्फबाट सांसद बनेका थिए ।

नेकपा एमाले रसुवाको संस्थापक सदस्य रहेका तामाङ २०५४ सालमा धुन्चे गाविसको अध्यक्ष बनेका थिए । उनी एमालेको जिल्ला अध्यक्ष हुँदै केन्द्रीय कमिटीको सल्लाहकार समिति सदस्य समेत रहेका थिए ।